Манчестер сити ќе го исфрлат од Лигата на шампионите!?
Како што пренесуваат англиските медиуми, Судот за спортска арбитража (ЦАС) во Лозана ја одби жалбата на Манчестер сити и сега на „граѓаните“ им се заканува потенцијално исфрлување од Лигата на шампионите, односно се соочува со евентуална забрана на настап на европските натпреварувања.
Сити е под лупа на УЕФА поради потенцијално кршење на Финансискиот фер плеј, целиот случај беше покренат кога „Дер Шпигел“ објави сомнителна документација од клубот од „Етихад“.
Се очекува судска одлука следниот месец, од Манчестер се жалеа, тврдејќи дека не прекршиле никакви правила, но нивната желба е одбиена.
Manchester City have lost their attempt to block a UEFA investigation into financial fair play violations.
— Sky Sports Premier League (@SkySportsPL) November 15, 2019
Најстрогата казна секако би било исфрлање од Лигата на шампионите за наредната сезона, а постои можност премиерлигашот да добие и парична казна.
Сити сега ќе мора да почека на крајот на истрагата, после што ќе се соочи со пресудата на УЕФА, а ќе има право на жалба на секоја одлука која ќе биде донесена.
-ЦАС пресуди дека жалбата поднесена од фудбалскиот клуб на Манчестер сити не е прифатена – рече генералниот секретар на ЦАС, Метју Риб.