Еден Азар не се покажа како играч каков што очекуваше Реал Мадрид. Азар се предвидува да биде предводник на „кралската“ екипа, но претежно го гледаме надвор од терените.

Во поразот од Алавес, Белгиецот повторно се повреди и наместо него, Родриго мораше да влезе на теренот веќе во 28 минута од натпреварот. Ова е деветта повреда на Азар откако е во Реал Мадрид, а досега имаше проблеми со задната ложа, скочниот зглоб, стапало, мускул, а беше и позитивен на коронавирусот.

Тој дојде во Мадрид со вишок килограми, тоа се повтори и на почетокот на оваа сезона, а многумина веруваат дека тоа е една од причините за неговите повреди. Додека медиумите често го критикуваат српскиот интернационалец Лука Јовиќ, Азар е еден од играчите со најлош учинок во составот на Зинедин Зидан.

Eden Hazard has been fouled 4.1 times per 90 in La Liga since his move to Real Madrid.

More times than in any Premier League season at Chelsea. pic.twitter.com/28wVdZS0sF

— Madrid Xtra. (@XtraMadrid) November 30, 2020

Сега Азар ќе мора повторно да биде надвор од терените, што значи дека ќе пропушти пет клучни натпревари. Во Лигата на шампионите, Реал мора да победи за да оди понатаму, а играчот нема да биде на последните два меча со Шахтјор и Борусија Менхенгладбах, додека во „Ла Лига“ Реал ќе биде без еден од своите најдобри фудбалери против Севиља, Атлетико Мадрид и Атлетик Билбао.

До сега пропушти 36 натпревари поради повредите, а откако се опорави од најновата повреда, тој број ќе биде над 40.

Реал Мадрид има чудна сезона, Зидан не знае што се случува!

Тој отсуствуваше 253 дена поради повреди и доколку се остварат првите предвидувања, ќе биде надвор од терените три недели, тоа значи севкупно над 270 денови во процес на рехабилитација.

Дури и кога играше, Азар не покажуваше најдобри игри. Тој постигна само два гола на 19 натпревари во најсилната шпанска лига, и тешко дека „кралскиот клуб“ очекувал ваков ефект за вложените пари.