Францускиот претседател, Емануел Макрон, денеска оцени дека неговиот американски колега Доналд Трамп, кој се повеќе ја критикува Европската Унија, треба да го „разјасни својот став“.

– Постојат неколку нејаснотии, посебно во врска со ставот на Трамп за Брегзит и фактот дека промовира тврд Брегзит – изјави Мкрон во интервју на англиски јазик за американскиот магазин Њујоркер.

– Сметам дека тој треба да го разјасни својот став кон Европа – додаде францускиот претседател.

Трамп, од своја страна, во текот на изминатиов викенд за американските медиуми истакна дека не знае што ќе прави со Европа, одговарајќи на прашања за европските напори да опстане меѓународниот договор за иранската нуклеарна програма од која САД отстапија.

– Многу сме великодушни кон Европа. Се грижиме за неа. Трошиме огромни пари за НАТО, а тие веќе долго време не користат и кога е во прашање трговската размена – рече Трамп.