Македонската и грчката армија на Криволак успешно ја завршија воената вежба „Балкански воин 2023“
Македонската и грчката армија успешно ја завршија воената вежба „Балкански воин 2023“ на армискиот полигон Криволак која се одружуваше во период од 25 до 30 јуни. Како што пренесува порталот „Балканска безбедносна мрежа“ на заедничката вежба на полигонот во Неготино биле вежбани тактиките, техниките и процедурите на специјалните операции на припадниците на одбраната на двете земји а целиот процес минал успешно и професионално.
Вежбата „Балкански воин 23“, според предходно објавена информација од Министерството за одбрана беше дел од Планот за организација и учество на Армијата на вежби од меѓународен карактер за 2023 и 2024 година и дел од Планот за билатерална соработка за 2023 година помеѓу Министерството за одбрана на Република Северна Македонија и Министерството за национална одбрана на Република Грција.
На вежбата учество зедоа 15 припадници од специјалните сили на Република Грција, со вооружување, опрема, моторни возила и материјално – технички средства.
Инаку, ова не е прва заедничка везба меѓу македонските и грчките безбедносни сили во рамките на НАТО Алијансата, исти вакви воени подготовки имаше и предходно како дел од големите вежби на Алијансата организирни оваа пролет на Балканот.