ЛШ: Лазаров во осминафиналето со Кјелце, Митревски против Алборг
По завршувањето на последниот натпревар од групната фаза во Лигата на шампионите, ЕХФ и официјално ги објави вечерва сите парови во осминафиналната фаза.
Голем број на мечеви се одложуваа поради ситуацијата со ковид-19, но потоа истите завршија со службени резултати, а од претходно веќе се донесе одлука сите 16 екипи од двете групи да се најдат во елиминациските борби.
Како што е веќе познато, Вардар 1961 како седмопласиран од групата „А“ во осминафиналниот двомеч ќе ги одмери силите против Веспрем на македонскиот репрезентативец Дејан Манасков кој го освои второто место во групата „Б“.
So, finally we have the answer to THAT question: who is going to play who in the play-offs? ? #ehfcl #showtimeforchampions pic.twitter.com/70JBvdDJr6
— EHF Champions League (@ehfcl) March 4, 2021
Победникот од тој дуел во четвртфиналето на ЛШ ќе игра со подобриот од пресметката Нант на Кирил Лазаров и Кјелце.
Порто на голманот Никола Митревски ќе ги одмери силите против данскиот Алборг, а подобриот од тие две екипи во четвртфиналето ќе се сретне со победникот од пресметката ППД Загреб – Флензбург.
Дуелите од осминафиналната фаза ќе се играат во периодот од 31 март до 8 април 2021 година.
ЕХФ Лига на шампиони
Сезона 2020/2021
Осминафинале, двојки –
Вардар 1961 – Веспрем
Нант – Кјелце
Пик Сегед – Кил
Целје Пивоварна Лашко – ПСЖ
Порто – Алборг
ППД Загреб – Флензбург
Мотор Запорожје – Мешков Брест
Елверум – Барселона