Ливерпул руши рекорди во Премиер лигата (ВИДЕО)
Европскиот шампион Ливерпул продолжува да прикажува одлични игри сезонава и да руши рекорди. Ливерпул како гостин го совлада Барнли со 0:3 за четврта победа во исто толку натпревари во Премиер лигата. Ова воеднои претставуваше и 13 победа едноподруго за „црвените“ во Премиер лигата што претставува клупски рекорд.
Трент Александер Арнолд центрираше пред голот на Барнли, а топката ја закачи несреќниот Вуд кој си постигна автогол во 33 минута, додека Садио Мане четири минути подоцна зголеми на 0:2. Конечниот резултат го постави Фирмињо во второто полувреме и стана првиот Бразилец лпк стигнал до бројката од 50 постигнати погодоци во Премиер-лигата.
Убедлив настап имаше и шампионот Манчестер сити кој пред своите гледачи со 4:0 го совлада Брајтон. Серхио Агуеро беше стрелец на два гола, а во листата на стрелци се запишаа уште и Кевин де Брујне и Бернардо Силва.
Челси никако да врзе два добри натпревари и одигра само 2:2 против Шефилд јунајтед. Вистински трагичар е Курт Зума кој си постигна автогол во 89 минута и му донесе бод на новиот премиерлигаш.
Кикс направи и Манчерстер јунајтед, кој пак одигра 1:1 на гостувањето кај Саутемптон.