Леонардо ги потврди преговорите: Наскоро одлука за Мбапе и Нејмар!
Во интервју за „Ле Паризиен“, спортскиот директор на ПСЖ изјави дека наскоро ќе завршат преговорите со Килијан Мбапе и Нејмар за нови договори.
Иако има интерес од Реал Мадрид и Ливерпул за Килијан Мбапе, Леонардо вели дека во тек се преговори со напаѓачот и дека тој е оптимист кога станува збор за неговиот престој на „Паркот на принцовите“ дури и по јули 2022 година, кога истекува неговиот важечки договор .
– Изненаден сум од некои приказни кои се појавуваат. Тој има уште цела сезона во договорот со ПСЖ. Неговиот статус во клубот станува сè поважен и неговата одговорност на тој начин расте. Треба да се земе предвид и одредена конзистентност во неговата кариера.
Разговаравме со него веќе некое време и дојде време да донесеме одлуки. Ситуацијата е иста со Нејмар, ние разговараме и мислам дека наскоро ќе го имаме исходот од тие преговори – додаде Леонардо.
Воедно истакнува дека францускиот клуб сака да ја продолжи соработката со Анхел ди Марија и Јулијан Дракслер. Договорите на двајцата играчи истекуваат на крајот на сезоната, но постои голема веројатност Дракслер да има нов клуб од следната сезона.