Ангелка Пеева Лауренчиќ во ТВ „24“ вечерва потенцираше дека македонскиот гласач е во тотален нокаут, не заради датумот, туку заради тоа што лицето кое било задолжено да ја реши корупцијата е корумпирано.

-Од Пржинскиот договор до денес, ние оттогаш сме серија во живо. И тие што професионално се занимават со политика, не се сеќаваат што се случи оттогаш до денес. Има тоталено поместување на сите елементи, порано поставени на друг начин. Гласачкото тело сега е збунето од тоа што се случувало и што ќе ни се случи. Што ќе променат овие избори? Ќе имаме проблем со бројките, не знаеме колку луѓе се иселиле -рече Пеева Лауренчиќ.

Ангелка Пеева Лауречниќ е член на Ротари клубот Скопје – Интернeшанал. Во рамки на активностите на клубот Пеева Лауренчиќ минатата година иницираше неколку проекти од јавен интерес, а беше иницијатор и координатор  на Регионалната конференција на Сојузот на Ротари клубови на РСМ – „Националната економија во пресрет на ЕУ“, што се одржа во април оваа година во Скопје.