Премиерот на Косово, Албин Курти, во Тирана се сретна со премиерот на Албанија, Еди Рама. После средбата двајцата изјавија дека ќе ја продлабочат соработката.

И двајцата премиери беа прашани во врска со „Мини Шенгенот“. Курти рече дека за ова прашање се дискутирало многу кратко.

-Ова беше наша прва средба и има многу теми за кои ќе зборуваме и во иднина. Ова беше една тема за која зборувавме, но многу кратко. Може да кажам дека ова наша прва средба беше за албанскиот “Макро Шенген“, отколку за балканскиот „Мини Шенген“- изјави Курти.

Од друга страна премиерот на Албанија, Еди Рама, изјави дека нема албански “Мaкро Шенген“, туку балкански “Мини Шенген“.

-Во оваа точка има една дискусија која треба да ја развиваме, верувам дека нема албански “Макро-Шенген“, без балкански шенген. Не знам кој го нарече “мини“, јас и заради височината не сум склон да права мини нешта. Но, верувам дека албанскиот „Макро Шенген“ е поврзан со регионалниот шенген-изјави Рама.

Инаку на средбата е договорено да се одржи заедничка владина седница во Скадар.