Крвав вовед: Прободени двајца навивачи на Селтик! (ВИДЕО)
Двајца навивачи на Селтик се прободени со нож во центарот на Рим пред натпреварот денеска во Лига Европа против Лацио.
Италијанската новинска агенција „АНСА“ објави дека навивачи од Шкотска, на возраст од 35 и 52 години, биле нападнати во заседа во еден ирски паб во Рим, и со убодни рани беа однесени во клиниката „Умберто“.
Според информациите кои доаѓаат од Твитер очевидец на настанот, Кевин Мекгвајер, навивачите на Селтик беа во задниот дел од пабот гледајќи ја својата работа.
Се проценува дека околу 9.000 илјади фанови на шкотскиот клуб вечерва да допатуваат во главниот град на Италија.
Дуелот од четвртото коло во групата „Е“ на Лига Европа меѓу Лацио-Селтик се игра вечерва од 18.55 часот.
После три кола лидер на групата е Селтик со седум бодови, а го следат Клуж со шест, Лацио со три и Рен со еден.