Доминацијата на Селтик во шкотскиот фудбал сезонава е на добар пат да биде прекината од страна на најголемиот ривал Ренџерс, а сега имаат дополнителни проблеми.

Селтик е во невиден хаос бидејќи 13 фудбалери се наоѓаат во карантин поради коронавирусот, а вечерва ги очекува натпревар од шкотската Премиер лига.

Главни виновници за корона хаосот се самите фудбалери кои среде сезона во шкотскиот шампионат одлучија да одат на краток тренинг камп во Дубаи.

Целата британска јавност го осуди потегот на Селтик кој во време на пандемија на коронавирусот замина во Дубаи само за да тренира на топло време.

Да биде полоша ситуацијата за шкотскиот шампион, на фотографиите кои беа објавени на социјалните мрежи можеше да се примети дека фудбалерите не ги почитуваа здравствените протоколи ниту носеа маски за време на патувањето и за тоа беа критикувани од шкотската премиерка Никол Старџон.

? BREAKING: Thirteen Celtic players and three members of staff – including Neil Lennon and John Kennedy – have been told to self-isolate following Christopher Jullien’s positive test result.

Tonight’s match against Hibs will still go ahead. pic.twitter.com/0Rly0rmOvp

— Clyde 1 Superscoreboard (@ClydeSSB) January 11, 2021

Кармата ги стигна денеска, еден од фудбалерите на Селтик е позитивен на коронавирус и сега во карантин ќе мора да бидат уште 12 фудбалери заедно со тренерот Нил Ленон и неговиот помошник Џон Кенеди.

Шкотската Премиер лига одби да го одложи вечерашниот натпревар на Селтик против Хибернијан.