Освојувачот на Европското првенство со Словенија моменто е помошник на Лук Волтон во Сакраменто кингс, а Кошаркарската федерација на Србија доби дозвола од НБА тимот за Кокошков да биде нов селектор.

Кокошков доаѓа на место на Александар Ѓорѓевиќ кој си поднесе оставка по Светското првенство во Кина и дебито на клупата ќе го има на квалификацискиот турнир за Олимписките игри кој ќе се одржи во Белград.

Игор Кокошков тренерската кариера ја почнал уште во 1992 година во ОКК Београд, за по една сезона во младинскиот тим на Партизан се пресели во САД. Минатата година беше тренер на Феникс санс, а претходно работеше како помошник во ЛА Клиперс, Феникс, Кливленд, Орландо и Јута.

Тој веќе има искуство со работата во националнио тим на Србија, во периодот од 2004-2005 му беше помошник на Жељко Обрадовиќ во репрезентацијата на тогашната Србија и Црна Гора.