Клоп е главниот виновник за заминувањето на Мане од Ливерпул
Поранешниот фудбалер Тревор Синклер смета дека Мане си заминал од Ливерпул поради менаџерот на „црвените“ Јирген Клоп.
Мане завчера и официјално беше промовиран како нов напаѓач на Баерн Минхен, а Синклер кој во својата кариера има настапувано за Манчестер сити смета дека менаџерот на Ливерпул го понижил одличниот напаѓач со коментарите за Африканскиот куп на нации што се играше на почетокот од годината.
– Прво, не го почитуваа како Вирџил Ван Дајк и Мохамед Салах. Втора работа, последната година од неговиот договор помина онака како што помина, доволно да покаже како се однесува клубот кон него. Трето , главен виновник за заминувањето на Мане е Јирген Клоп кој имаше лоши коментари за Африканскиот куп на нации. Клоп го омаловажи ова натпреварување, по што селекторот на Сенегал мораше да реагира кога рече дека Ливерпул засекогаш ќе беше второпласиран ако не беа африканските играчи во тимот. Садио Мане е принципиелен човек, ќе го видите како гради болници, купува школи. Беше јасно дека ќе си замине, тој е легенда на клубот, но мислам дека по се што се случи Мане не можеше да остане во Ливерпул – изјави Синклер.