Кина бара од САД детали за сударот на американската нуклеарна подморница во Јужното кинеско море

Подморница / Фото: Архива

Кина е длабоко загрижена за инцидентот со американската нуклеарна подморница во меѓународните води на индо-пацифичкиот регион, соопшти кинеското министерство за надворешни работи.

Знаме на Кина / Фото: EPA-EFE/Simon Bruty for OIS HANDOUT EDITORIAL USE ONLY/NO SALES

Во извештајот се наведува дека подморницата не се судрила со друга подморница и се враќа во пристаништето.

Кина додаде дека Соединетите држави мора да обелоденат поевеќе детали за инцидентот и да споделат се што знаат за причините за овој инцидент.

„САД и другите земји вклучени во активностите во Јужното кинеско море мора да дадат информации и релевантни детали, вклучувајќи ја и точната локација на инцидентот, целта на мисијата, детали за причината за судирот и дали има истекување на радијација, и евентуална еколошка штета“ велат од кинеското МНР.

Американската нуклеарна подморница УСС „Конектикат“ се судри со неидентификуван објект додека пловеше во индо-пацифичкиот регион, објави прес-службата на Пацифичката флота на американската морнарица.

Американска подморница во Јужното Кинеско Море
Американска подморница во Јужното Кинеско Море / Фото: EPA/AMIEL MENESES

Како што пренесе „Фокс њуз“, инцидентот се случил во Јужното Кинеско Море.

Останува мистеријата во што удрила нуклераната подморница и која била мисијата на нејзината пловидба. Она што засега во јавноста се обелоденува дека подморницата имала мали оштетувања, немало човечки жртви меќу екипажот и нуклераниот реактор на подморницата не бил оштетен. Подморницата после инцидентот успеала да се закотви во најблиското воено пристаниште во овој реон.

Подморница 1

Од друга страна, не се исклучува и можноста дека моеби дошло до вооружен судир со подморница на друга национална воена морнарица, но засега никој не ја потврдува оваа информација

 

Видео на денот