Кевин де Брујне од јануари во дресот на ПСЖ?!
Еден од клучните фудбалери на Манчестер сити, Кевин де Брујне би можел од следната зима да настапува за ПСЖ. Во клубот од „Етихад“ решија да ги прекинат преговорите околу нов договор за белгискиот интернационалец.
Имено, првите луѓе на Сити ќе чекаат да видат во каква состојба ќе биде фудбалерот откако ќе се опорави од повредата, а потоа ќе одлучат дали ќе му понудат продолжување на соработката.
Актуелниот договор на Белгиецот со „Граѓаните“ е со важност до летото 2025 година, а тој го потпиша во 2021 година, две години пред да му истече стариот, па и сега доколку го продолжи би требало да трае до 2027 година.
Конфузијата на Манчестер сити ќе се обиде да ја искористи францускиот шампион ПСЖ и да го доведе репрезентативецот на Белгија на „Паркот на принцовите“.
Познато е дека Килијан Мбапе сака да го напушти клубот на крајот на сезоната, а ПСЖ веќе подготви список со желби за зимскиот преоден рок.