Ќе се снима биографски филм за Мајкл Џексон, без спорните обвиненија!
Продуцентот на Боемска рапсодија Грахам Кинг ја проучува биографијата на Мајкл Џексон за да направи филм посветен на неговиот живот и музичките достигнувања.
Сценариото на филмот нема да се фокусира на контроверзните делови од животот на Џексон што се прикажани во документарецот „Leaving Neverland“, туку на музичките успеси. По објавувањето на документарецот, светската јавност се подели на оние кои го обвинуваат Џексон и оние кои не веруваат во обвиненијата.
Да потсетиме, на пространиот имот на Мајкл Џексон постоеле бројни тематски простории во кои тој се дружел со децата, на пример розова соба, железничка и војничка соба. Иако тој тврдел дека само сака да се дружи со децата, и пред излегувањето на документарецот со години се ширеа гласини дека на ранчот Неверленд се случуваат „педофилски игри“.
Мајкл Џексон со години беше пријател и со Меколи Калкин, ѕвездата на „Сам дома“. Многумина нагаѓаа дека и Калкин е една од жртвите на Џексон, но глумецот секогаш зборувал дека меѓу нив имало само прекрасно пријателство.