Индонезиските истражители ги испрашуваа полициските службеници одговорни за стампедото на стадионот во кое загинаа 125 гледачи во една од најлошите трагедии во историјата на фудбалот.

Казни паднаа за оние кои беа прогласени за одговорни за смртоносното стампедо на фудбалскиот стадион во Маланг на островот Јава, откако полицијата употреби солзавец за да ја контролира толпата. Шефот на градската полиција вчера беше разрешен, девет полицајци беа суспендирани, а 19 полицајци беа сослушани поради катастрофата на стадионот.

Поддржувачите на локалниот клуб Арема ФК формираа центар за жалби во Маланг и рекоа дека имаат намера да ги гонат полицајците одговорни за случајно фрлање солзавец во толпата заробена на трибините.

„Доколку имаше немири, солзавецот требаше да биде насочен кон теренот, а не кон трибините“, изјави за АФП Дени Агунг Прасетјо, координатор на поддржувачите на „Арема ДЦ“.

„Имаше многу жртви меѓу оние кои беа на трибините. Тие ги фати паника поради солзавецот“, додаде тој.

Владата ги суспендираше сите натпревари во националната Премиер лига и објави дека покренала истрага за трагедијата.