Касиљас и официјално ја заврши кариерата: Дојде време да се простам со фудбалот
Легендарниот шпански голман преку писмо соопшти дека става крај на фудбалската кариера.
Проштелната порака голманот на Реал Мадрид и на Порто ја објави на социјалните мрежи.
Lo importante es el camino que recorres y la gente que te acompaña, no el destino al que te lleva, porque eso con trabajo y esfuerzo, llega solo y creo que puedo decir, sin dudar, que ha sido el camino y el destino soñado #Grac1as pic.twitter.com/xb8ucs9REh
— Iker Casillas (@IkerCasillas) August 4, 2020
„Денеска е еден од најважните, но на некој начин и најтешки денови во мојата кариера. Дојде време да се простам со фудбалот. Со фудбалот почнав да се занимавам пред 30 години. Во текот на ова долго патување имаше убави, но и помалку убави моменти на среќа, како и тага. Во овој момент од својот живот и од оваа перспектива можам да кажам дека вредеше. Најважната работа е патот по кој одиш и луѓето кои те следат, а не дестинацијата на која ќе се однесе. На крајот можам да кажам дека имав пати и дестинација од соништата“, порача Касилјас во своето писмо.
Икер Касиљас најголем дел од својата кариера ја помина во Реал Мадрид, а последните пет сезони бранеше за Порто.
Со „кралскиот“ клуб осбои три титули во Лигата на шампионите, два Суперкупа на УЕФА, ФИФА светското клупско првенство, два Интерконтинетални купа, пет титули во Ла Лига, два кралски Купа и четири трофеи во Суперкупот на Шпанија.
Во дресот на Порто освои две шампионски титули, еден Куп и еден Суперкуп.
Касиљас беше член на репрезентацијата на Шпанија со која триумфира на Светското првенство 2010 година и освои уште две европски титули во 2008 и 2012 година.
Следната работа на Касиљас ќе биде во управата на Реал Мадрид, односно ќе биде советник на претседателот Флорентино Перез.