Карпош ќе го реконструира фудбалското игралиште „Сокол“
Општина Карпош следново лето ќе започне со активности за реконструкција на фудбалското игралиште „Сокол“, на кое се играше истоимениот турнир.
Ќе бидат реконструирани трибините, оградите, како и кабините на игралиштето, со што фудбалскиот турнир ќе се игра во подобри услови, а веќе се преземаат подготвителни активности за обновата на игралиштето, изјавија од општината.
Исто така, од таму информираат дека Иницијатива за спас и обнова на СЦ „Партизан“ е веќе покрената и истата ја водат заедно со други засегнати институции. Во оваа иницијатива е вклучена и Меѓународната невладина организација „Културно Ехо“, а странски експерти во соработка со тим од општина Карпош подготвуваат и идејно решение за обновата на салата. Поддршка за оваа Иницијатива е добиена и од амбасадорот на Франција во Скопје, Кристиан Тимоние.
Спортскиот центар „Лепенец“ во Бардовци веќе е реконструиран и фудбалскиот клуб од овој дел на Карпош (младинската школа), но и сите граѓани спортуваат во подобри услови.
Слободен печат веќе објави дека карпошани две години чекаат на обнова на фудбалското игралиште „Сокол“.