Карлеуша повторно ја прозва Дуа Липа: Душо, нареден пат не објавувај карта од „Голема Албанија“ (ФОТО)
Се уште главна тема на Балканот е Дуа Липа (24) со нејзината објава на социјални медиуми, споделувајќи фотографија со која ја промовира идејата за „Голема Албанија“, која би опфатила делови од денешна Србија, Грција, Македонија и Црна Гора.
Два дена откако голем број луѓе ја прозваа Дуа Липа за објавата, таа сподели објава во која вели дека била сфатена погрешно со објавата.
На нејзината оригинална објава реагираше и нашата естрада.
Откако ја сподели објавата во која пејачката вели дека секогаш кога објавувала нешто за Косово настанувал вистински хаос на нејзиниот feed, многумина ја искритикуваа Дуа Липа дека таа всушност не се извинила, туку дека „глуми жртва“ бидејќи во објавата не се оградува од фотографија со т.н. „Голема Албанија“ додека бара од гигантот Apple („Епл“) да ја вклучи територијата на Косово на мапите на уредите на „Епл“.
На втората објава на Дуа Липа повторно реагираше и спрската пејачка Јелена Карлеуша. Ова е втор пат Јелена да ја прозива Дуа Липа, откако во саботата британската пејачка со албанско потекло сподели објава која гласеше „Зошто Косово никогаш не било и нема да биде Србија“.
Овој пат, Јелена го сподели извинувањето на Дуа Липа, цитирајќи ја „Само сакав мојата земја да биде прикажана на картата!“ и додаде: „Тогаш душо, следниот пат стави ја вистинска карта што не вклучува територии на 4 различни држави, не е толку тешко, навистина“.
