Кампацо за шест милиони долари во Денвер Нагетс!
Аргентинецот во досегашниот дел од сезоната во Евролигата имаше просек од 9,3 поени, 2,5 скока и 6,7 асистенции по меч.
Факундо Кампацо си оди од Реал Мадрид и ќе се пресели во Денвер Нагетс, пишува новинарот на „ЕСПН“, Адријан Војнаровски.
Според најавите тој ќе потпише договор на две години со НБА клубот, а трансферот вреди шест милиони долари.
Кампацо уште од почетокот на сезоната ги информираше првите луѓе на шпанската екипа дека сака да ја продолжи неговата кариера во најсилната лига на светот.
Денвер би требало да се раздели со Монте Морис, а новајлијата ќе чека шанса покрај првата опција Џамал Мареј.