Сексуалниот нагон е една од многуте работи на кои можат да влијаат сезоните. Најсилно либидо имаме на есен, но постојат природни решенија кои можат да го стимулираат вашиот инстинкт и „надвор од сезоната“, советуваат сексуалните терапевти.

Летото се смета за прилично поволна сезона за секс, бидејќи луѓето се чувствуваат послободно отколку во другите делови од годината.

Тоа е можеби поради зголемување на витаминот Д во текот на летото, повеќе време поминуваме во дружење надвор, а покажувањето повеќе кожа од вообичаеното може да создаде поголем сексуален интерес.

Есента е времето кога сексуалната желба добива внатрешен стимул. Луѓето, како и повеќето цицачи, доживуваат еден вид биолошки ритам кога станува збор за плодноста и другите физички процеси.

Во една студија за тестостерон кај мажи и жени, истражувачите откриле дека двата пола доживеале пад на тестостерон во текот на летото и зголемување во есента.

Друга студија за мажи исто така открила истакнат сезонски пораст на нивото на тестостерон во октомври и ноември.

Имајќи ги предвид овие студии, може да се види дека есента е особено поволен период секс.  Друго истражување покажува дека мажите всушност сметаат дека женското тело е попривлечно за време на постудените месеци затоа што гледаат помалку кожа во споредба со летниот период, а тоа ја поттикнува имагинацијата.

Ако се борите со низок сексуален нагон, постојат многу работи што можете да ги направите за да го зголемите либидото и нивото на тестостерон.

Поздрава диета и консумирање здрави масти, заедно со исфрлање на вишокот шеќер, може да помогне во балансот на хормоните и на тој начин да се решат основните причини за помал сексуален нагон.

Причината за намаленото либидо може да бидат и психолошки причини кои можеби ќе треба да ги решите, особено ако сте во врска и сфаќате дека не сакате секс со вашиот партнер. Во тој случај, ќе ви помогне да разговарате со вашиот партнер за проблемот или да одите на терапевт.