Како се граделе култните градби кои стојат и денес? Археолозите открија добро чувани римски тајни во Помпеја
Археолозите открија античко градилиште во Помпеја кое фрла светлина врз градежните техники што ги користеле Римјаните за изградба на култните градби како што се Колосеумот и Пантеон, соопшти италијанското Министерство за култура.
Градилиштето било отворено веројатно се до ерупцијата на вулканот Везув, уништувајќи ја Помпеја, се наведува во соопштението на министерството.
Археолозите пронајдоа работни алатки, наредени ќерамиди, варовнички тули и купишта вар и камења што се користат за ѕидање.
Римјаните имале оригинална техника за производство на цемент, соопшти министерството, наведувајќи ги наодите на археолозите кои работеле со истражувачите од Институтот за технологија во Масачусетс.
На локалитетот Помпеја, откриен дури во 16 век, има се повеќе археолошки активности насочени кон запирање на годините на распаѓање и запоставување.
Се чини дека бетонот е направен со „топло мешање“, при што живата вар прво била измешана со вулканска пепел, со додавање вода непосредно пред да се подигнат ѕидовите.
Тоа значело дека при изградбата на ѕидовите, мешавината од вар, пепел и камења била сè уште жешка поради топлинската реакција која помогнала побрзо да се исуши, скратувајчи го времето на изградба на структурата.
Габриел Цухтригел, директор на наоѓалиштето Помпеја, рекол дека најновото откритие „ни помага да разбереме многу аспекти на големата Римска империја, а не само употребата на бетон“.
„Без бетон, не би ги имале ниту Колосеумот, ниту Пантеонот, ниту бањите во Каракала“, рекол тој.
Археолозите пронашле и садови за складирање на амфори кои се користеле за „гаснење“ на вар што се користел за малтерисување, како и за чување на други алатки, од оловни стеги што се користеле за кревање на совршено вертикален ѕид, до железни мотики за подготовка на малтерот и обработка на вар.