Јувентус му гарантира на Буфон дека ќе го надмине рекордот на Малдини - Слободен печат
СпортФудбал

Јувентус му гарантира на Буфон дека ќе го надмине рекордот на Малдини

Џанлуиџи Буфон има интересна клаузула во договорот со Јувентус, дека мора да биде стартер на најмалку 10 настапи во Серија А.

Легендарниот италијански голман, Џанлуиџи Буфон по едногодишната епизода во ПСЖ, ќе се врати во Јувентус. Тој во најското време треба да потпише договор со „старата дама“, а платата ќе му изнесува 1.5 милиони евра плус дополнителни бонуси. Но, тоа не е се во договорот на Буфон и Јувентус.

Весникот „Република“ откри дека голманот ќе има клаузула во договорот со која во наредната сезона ќе има најмалку десет настапи во првиот тим, од тоа осум во Серија А и два во Лигата на шампионите.

Целта на оваа клаузула е Буфон да стане фудбалер со највеќе настапи во Серија А, имено потребни му се уште осум настапи за да го престигне рекордот на легендата на Милан, Паоло Малдини кој дури 674 пати играше натпревари во Серија А.

Предвидено е по завршувањето на сезоната во 2020 година, Буфон да стане тренер на младинската екипа на Јувентус.

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Слични артикли

Напишете коментар

Вашата адреса за е-пошта нема да биде објавена. Задолжителните полиња се означени со *

Close