Манчестер јунајтед и сезонава бележи лоши резултати во Премиерлигата, по што апелите на менаџерот Оле Гунар Солскјер конечно ќе бидат послушани и во зимскиот преоден рок тимот ќе потроши голема сума на пари.

Потпретседателот на Јунајтед, Ед Вудворд даде зелено светло за ангажирање на двајца германски репрезентативци и тоа за сума од 145 милиони евра.  Според „Мирор“, станува збор за фудбалерот за врска на Баер Леверкузен, Каи Хаверц и Томас Милер од Баерн Минхен.

Баер за својот фудбалер бара дури 100 милиони евра, сума која е прифатлива за Вудворд бидејќи се плаши дека доколку не реагира веднаш, останатите гиганти ќе му го украдат Хаверц кој важи за еден од најдобри млади фудбалери во светот.

Од друга страна, Томас Милер  со доаѓањето на Нико Ковач за тренер на Баерн Минхен, падна во втор план и се погласно го искажува своето незадоволство, па дури и најави заминување.

Оваа ситуација сакаат да ја искористат во Манчестер и се надеваат дека понуда од 45 милиоини евра ќе биде доволна за управата на „баварците“ да го пушти германскиот репрезентативец