Јунајтед му даде зелено светло на Роналдо да си оди
Времето на Кристијано Роналдо во Манчестер јунајтед истече откако управата на „црвените ѓаволи“ му даде зелено светло на Португалецот да го напушти клубот.
Откако почна летниот преоден рок, Кристијано Роналдо побара од Јунајтед да биде продаден и тоа во екипа што ќе игра во Лигата на шампионите, а неговото името беше поврзувано со доста екипи.
Агентот на фудбалерот го понуди Португалецот на девет екипи кои го одбија (Барселона, Реал Мадрид, Баерн Минхен, ПСЖ, Челси, Јувентус, Милан, Рома и Интер), но управата на Јунајтед постојано тврдеше дека Роналдо не е на продажба и дека менаџерот Ерик тен Хаг смета на неговите услуги.
Но, првите два натпревари во Премиер лигата во кои Јунајтед загуби од Брајтон (1:2) и Брентфорд (0:4) покажаа дека Тен Хаг не го гледа Роналдо во тимот.
Како иден клуб на Кристијано Роналдо се споменува Атлетико Мадрид чиј тренер Диего Симеоне го сака Португалецот во својот тим. И на Роналдо, според англиските медиуми му се допаѓа оваа идеја бидејќи со Атлетико би играл во Лигата на шампионите, а во исто време би имал можност да му покаже на претседателот на Реал Мадрид, Флорентино Перез дека погреши што во 2019 година го продаде на Јувентус.