Мајами хит со 125:105 го совлада Денвер нагетс кај кого недостасуваа дури тројца кошаркари од првата петорка, Џамал Мареј, Гери Херис и Вил Бартон.

Поради нивното отсуство, најдобриот играч на Денвер, центарот Никола Јокиќ мораше да игра и како плејмејкер и сосема солидно си ја заврши работата. Во првото полувреме беше најдобар играч на својот тим со 14 поени, но Мајами имаше повеќе расположени играчи и на крајот славеше.

Клучна беше третата четвртина во која Мајами дојде до предност од 15 поени и разликата ја одржуваше до крајот.

Бам Адебајо и Џими Батлер со по 22 поени беа најпрецизни кај Мајами, Кени Олејник даде 20, а Горан Драгиќ уфрли 13 поени. Во редовите на Денвер, Никола Јокиќ натпреварот го заврши со 19 поени, седум скокови и шест асистенции, а исто толку поени даде и Џереми Грант.