Јавниот обвинител не открива многу детали околу црната листа
Црната листа на САД на која се најдоа звучни имиња од политичката сцена во Македонија се уште ја бранува јавноста. Дали ќе се донесе законот за рестриктивни мерки со што овие лица ќе имаат забрана за вршење на јавна функција и што презема Обвинителството, се уште е непознато.
Денеска, Јавниот обвинител Љупчо Коцевски рече дека се уште ги прибирале информациите од Соединетите американски држави и доказите за вмешаност во коруптивни дејствија на овие лица. На прашањето како ќе постапи обвинителството, тој истакна дека ЈО презема активности но какви активности и спрема кого, не може да открие.
„Било какви конкретни информации од наша страна не можеме да споделиме, имајќи предвид дека ЈО презема активности, меѓутоа, какви активности, према кого, не можам да кажам“ – рече Јавниот обвинител Љупчо Коцевски.