Полицијата во текот на вчерашниот ден спроведе акциска контрола за возила кои се движат со брзина поголема од дозволената, при што санкционирани се 240 возачи.

Од нив, девет возила се движеле со над 50 километри на час повеќе од дозволената брзина, а четири возила се движеле со дури над 70 километри на час повеќе од дозволеното. Во населено место брзината ја пречекориле 152 возила, а 88 надвор од населено место, информира Министерството за внатрешни работи.

Сообраќајните контроли продолжуваат и во наредните денови.