Измени на собранискиот Деловник: Комисијата за мандатно-имунитетни прашања ќе расправа за онлајн работа на позитивни пратеници на ковид-19
Предлогот на претседателот на Собранието за дополнување на Деловникот за работа денеска е на дневен ред пред членовите на собраниската Комисија за деловнички и мандатно-имунитетни прашања. Седницата, според информациите од веб страницата на Собранието, е закажана за 13 часот.
Предлогот за дополнување на Деловникот за работа треба да овозможи од далечина или онлајн на пратениците кои се позитивни на ковид-19 или поради контакт со лице со позитивен тест.
Ова решение, смета претседателот на Собранието Талат Џафери, нема да го промени досегашниот начин на работа, туку ќе овозможи само овие пратеници да можат да се вклучат во работата на Парламентот кој би бил целосно функционален.
Опозицијата во изминатиот период излезе со став дека не се согласува со одржување на онлајн седници.