Изборни желби: „I have a dream“
Колку кампањата за изборите напредува, толку реториката на партиите и на лидерите станува поагресивна и понавредлива со деманти и контрадеманти, што на мојот ум се одразува со помислата до каде вака ќе стигнеме, со што и конфузијата на мојот сон е сè повеќе оптоварена со еден сон, кој секоја вечер ми се повторува, а тој изгледа вака:
Вечерта, на 15 јули, по изборите, како и многу други, и јас ги чекав финалните резултати од изборите. Некаде околу полноќ конечно беа објавени последните информации за резултатите и јас заминав мирно да спијам. Се вртев да заспијам под импресијата на резултатите и кога придремав ми се случи српската поговорка: „Што се баби хтело, то се баби снило“, имено просонував многу интересен сон. Сабајлината, кога станав, сфатив дека сонував многу обмислен и корисен сон, за што морам да ѝ го пренесам на јавноста. Што сон беше тоа што толку ме вознемири, а истовремено израдува?
Победничката партија на изборите се огласи преку својот лидер: Драги пријатели, ви благодарам на фер изборите во оваа корона-услови, ние ги чувме вашите пораки и желби и во мое име и во име на партијата, во име на сите граѓани на Република Северна Македонија, ви благодарам. Вие избравте парламент кој ќе ве претставува, а јас уште еднаш ветувам дека нема да ја изиграм довербата што ни ја дадовте. Долго време, уште пред изборите јас и моите соработници размислувавме што е најдобро за нашата партија, но и за РСМ има нешто ново, а тоа е следново: да предложиме не победничка влада, ами парламентарна влада, односно влада која ќе го преслика парламентот. Победничката партија го дава претседателот на владата и потпретседателот, а пропорционално според бројот на пратениците добива и број на министри. Втората по ред партија добива, пропорционално, број на пратеници и број на министри. На крај, малите партии пропорционално на пратениците добиваат и министри. Вториот ешалон на именувани заменици и раководители би одел пропорционално според гласовите добиени на изборите. Доколку една партија одбие да учествува во Владата и не сака да даде свои министри, победничката партија нема да го пополни тоа место со партиски послушници од победничката партија, туку ќе именува нов партиски експерт, како и експерти министри. На овој начин ќе ги избегнеме сите можни уцени и пазарења за учество во владата. Никој нема право да се пазари со националните интереси за партиски интереси. Ова значи формирање на широка парламентарна повеќепартиска и експертска Влада, која треба да не носи во Европа и која ќе биде ослободена од партиските стеги и ќе биде по желба на народот, особено преку парламентот кој ќе го претставува народот.
Дали овој мој сон ќе помогне за спас на РСМ, зависи од храброста на победничката партија – да предложи ваков концепт на влада.
Сонот го сонувал наш повратник од САД, кој како стопанственик работел 30 години во Р Македонија и во Југославија и 32 години во САД, а се вратил во татковината да помогне.