Италија бара 60.000 доброволци – ќе го надгледуваат држењето дистанца меѓу луѓето

epa08430668 People take an aperitif at the Darsena (artificial water basin) in Milan, during the Covid-19 Coronavirus' emergency Phase 2, Italy, 18 May 2020. Several countries around the world have started to ease COVID-19 lock-down restrictions in an effort to restart their economies and help people in their daily routines after the outbreak of coronavirus pandemic. EPA-EFE/MATTEO CORNER

Министерот Бокиа најави дека волонтерите ќе дејствуваат под името „цивилни помошници“ и ќе носат сини маички. „Ќе бидат опремени со сила за убедување, аргументи и насмевка“, наведе министерот.

Италија планира на улиците да испрати околу 60.000 волонтери кои ќе внимаваат на одржувањето на правилата за физичка дистанца и ќе ги предупредуваат луѓето да ги почитуваат тие мерки на превенција од пандемијата на коронавирус во фазата на укинување на карантинот и попуштање на рестриктивните мерки.

Министерот за регионални работи Франческо Бокиа најави ваков план поради растечките стравувањеа дека луѓето не се придржуваат доволно до мерките за дистанца и се опасно близу еден до друг на плажите, во баровите и во јавните продавници.

Волонтерите будно ќе ги наѕираат, „но и ќе бидат поттикнувачи на доброто однесување“, рече градоначалникот на Бари и претседател на Здружението на италијански градови Антонио Декаро за весникот Ла Република.

Министерот Бокиа најави дека волонтерите ќе дејствуваат под името „цивилни помошници“ и ќе носат сини маички. „Ќе бидат опремени со сила за убедување, аргументи и насмевка“, наведе министерот.

Повикот да дејствуваат како волонтери/чувари приоритетно ќе биде упатен кон невработените и корисниците на социјални примања, а во текот на неделата ќе го објави Агенцијата за цивилна заштита, наведе Бокиа на Фејсбук.

Италија беше силно погодена од пандемијата на коронавирус, доживувајќи во март врв на епидемијата, по што со недели опаѓаше бројот на заразени, а воведениот карантин во земјата практично заврши на 18 мај.

Бокиа во интервју за милански Ла Стампа рече дека владата го користи начелото на „морков и стап“, кое „делува“, но предупреди дека натамошното ублажување на мерките би било одложено во случај на несоодветно однесување на граѓаните.

Италијанските власти засега предвидуваат укинување на забраната за патување меѓу регионот на 3 јуни. Истиот ден Италија би ги отворила своите граници за туристите од земјите на ЕУ.

Во неделата во земјата беа забележани вкупно 32.785 смртни случаи поврзани со заразата ковид-19, респираторна болест која ја предизвикува новиот коронавирус, и вкупно 229.858 случаи на зараза.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот