Екипата на Ренова го заврши настапот во фудбалска Европа откако попладнево загуби од Хајдук со минимални 0:1.

„Гипсарите“ на натпреварот покажаа две лица, во првото полувреме му дозволија да доминира на хрватскиот тим, додека во второто тие ја контролираа играта и не успеаја да реализираат неколку одлични шанси за гол.

Тренерот на Ренова, Бујар Ислами иако неговата екипа загуби е задоволен од прикажаната игра на неговите избраници.

– Задоволен сум од моите фудбалери. Многу рано примивме гол и тоа влијаеше психички на нас. Кога се соземавме видовте дека можеме да се надигруваме со одличен противник како Хајдук. Второто полувреме беше одлично имавме неколку 100% шанси кои не ги искористивме. Заслуживме барем реми, па во продолженија да се обидевме да стигнеме и до триумфот – изјави Ислами.