И покрај поделбите во партијата, Меџити ќе ја поддржи новата влада
Пратеникот на ДУИ, Изет Меџити, денеска пред да влезе во Собрание, потврди дека имало несогласувања во партијата, не прецизираше со кого имаше спротивставувања, но дека сепак, целосно ќе ја подржи листата на предложените кандидати за министри во новиот владин кабинет.
-Имам мои забелешки за дел од извршната власт, сме дебатирале длабоко и кога ќе се сумира дебатата и аргументите за мене е последен зборот на претседателот на партијата, Али Ахмети. Не сакам јас да придонесам за да пропадне една Влада која има подршка од нашите партнери ЕУ и САД. Во демократијата е вредност да опстоиш до крај за своите ставови, и на крај одлуките на мнозинството треба да се почитуваат. Ќе гласам за оваа Влада заедно со моите забелешки за дел од Владата, изјави Меџити пред да влезе во Собранието каде денеска се одржува седница за одредување на бројот на потпретседатели.