Хјустон пред голем проблем, „кралот“ Џејмс не пропушта ваков момент! (ВИДЕО)
Како што се предвидуваше уште пред почетокот на сезоната во НБА лигата, најверојатно во финалето на Западната конференција ќе играат двете најголеми екипи од Лос Анџелес, Лејкерси и Клиперси.
Секако доколку не се случат изненадувања, а ги имаше само 12 такви во историјата на американскиот спорт). Доцна синоќа „езерџиите“ со 110:100 го совладаа Хјустон по третпат во серијата за 3:1.
Моќниот центар на ЛА Лејкерс, Ентони Дејвис (27 години, 208 сантиметри) го користеше тоа што Рокетси оваа сезона има прилично „ниска екипа“ во која на теренот највисок беше Џеф Грин со 203 см.
Дејвис имаше „дабл-дабл“ учинок од 29 поени и 12 скока, Алекс Карусо додаде 16 поени, колку и Леброн Џејмс (15 скока, девет асистенции). Интересен е податокот кој вели дека „кралот“ Џејмс никогаш во кариерата не испуштил водство од 3:1 во серијата, а неговите клубови вкупно 13 пати биле во ваква ситуација, и во сите бил победник.
На спротивната страна Расел Вестбрук беше прв стрелец со 25 поени за „ракетите“, а Џејмс Харден имаше 21.