ХАКЕРИ ВЛЕГЛЕ ВО СИСТЕМОТ НА ПАРТИЈАТА НА СЕБАСТИЈАН КУРЦ: Украдени 1.300 гигабајти податоци
Три и пол недели пред преверемените парламентарни избори во Австрија, Народната партија на Себастијан Курц (ОВП) соопшти дека е хакирана.
Партијата обелодени дека им се украдени 1.300 гигабајти податоци.
– Целта беше да се влијае на изборите и да се манипулира со нив – тврди Курц во изјава за виенскиот весник Естерајх.
Конкретно, станува збор за сервер во централната партија во Виена, а според информациите кои сега кружат, бил хакиран пристапниот налог на Курц.
Wer steckt hinter dem Hacker-Angriff auf Sebastian Kurz? https://t.co/WyqkF9VrCD
— WELT AM SONNTAG (@WELTnews) September 5, 2019
Неофицијално, во ОВП се сомневаат дека зад нападот би можеле да стојат руски известувачки кругови, но и поддржувачи на претседателот на Турција, кои и во минатото вршеле сајбер напади на ОВП.
Курц рече дека официјално не сака да зборува за тоа кој би можел да стои зад нападот, како и дека ангажирал експерти кои стигнале до првите податоци за тоа како да го решат овој проблем.
„Хакерите на 27. јули за прв пат успеале да влезат во серверот на ОВП. Исто така на 11. август успеале да се инфилтрираат во мрежните компоненти и да ги компромитираат. Тогаш преземале контрола над администраторскиот налог“, истакнуваат од „Сајбертреп“, компанија го презема случајот за расветлување на хакерскиот напад.
Хакерите не само што украле огромна количина на податоци, туку и добиле можност да „прават што сакаат“, а на тој начин можеле да манипулираат со сите податоци и мејлови.
„Хакерите пет недели биле во системот на ОВП. Врската е прекината дури на 4.ти септември“, додаваат од оваа компанија, истакнувајќи дека таков напад чини многу и дека можеле да го спроведат само професионалци.