Гвардиола се откажа од титулата, за навивачите тој е измамник
Натпреварите во Премиер лигата на традиционалниот „Боксинг деј“ го донесоа Ливерпул чекор поблиску до титулата. „Црвените“ го декласираа второпласираниот Лестер со 0:4, додека актуелниот шампион Манчестер сити доживеа шокантен пораз од Вулверхемптон од 3:2 и остана на третото место на табелата со 14 бодови помалку во однос на лидерот кој има и наптревар помалку.
Второпласираниот Лестер пак има 13 бодови помалку од лидерот Ливерпул, а еден од тренерите на конкурентите уште сега се откажа од трката за титулата.
– Готово е, ќе се бориме до крајот, но реално немаме шанси – изјави Гвардиола по поразот на неговиот тим кој најави дека Премиер лигата ќе остане главен приоритет на Сити, а не настапите во Куповите и во ЛШ.
– Не смееме да го смениме фокусот бидејќи нема да играме во Лигата на шампионите идната година – додаде Гвардиола.
Навивачите на Сити како главен виновник за поразот од Вулверхемтон го посочија токму Пеп Гвардиола.
„Тој е Емери кој се облекува во Зара“.
„По заминувањето на Артета, сите негови слабости ќе бидат видливи“:
„Измама, Клоп вложи многу помалку пари, ја освои ЛШ, а сега ќе го освои и првенството“.
„Како и многу пати досега се покажа дека Гвардиола нема план Б“.
Навивачите исто така му замеруваат на Гвардиола дека не е заинтересиран за иднината на клубот и дека на крајот од сезоната ќе ја искористи клаузулата во договорот и ќе си замине од „Етихад“.