Менаџерот на Манчестер Сити, Пеп Гвардиола, по освојувањето на шампионската титула во Премиер лигата изјави дека неговиот тим е специјален и ќе остане запомнет по добрите резултати.

Манчестер сити во последното коло со 3:2 ја совлада Астон Вила иако на 15 минути до крајот на средбата губеше со 0:2. Притоа порача дека својата генијалност ќе ја докаже идната сезона.

– Моментот кога го постигнавме голот смени сè. Не игравме во нормални „услови“, но мора да се истрпи и тоа. Ние сме легенди. Кога ќе ја освоите Премиер лигата по четврти пат во пет сезони тоа е бидејќи моите фудбалери се посебни. Следната сезона ќе имаме можност да направиме пет размени за време на натпревар и ќе видите каков генијалец сум – изјави Гвардиола.

Шпанецот денеска ја освои четвртата титула во Премиер лигата со Манчестер сити кој пат има шест шампионски трофеи во последните 11 сезони.

– Првата титула ја освоивме со голема разика, потоа ја освоивме благодарение на триумфот над Брајтон, па една освоивме без навивачи, и сега со нив. Така е најдобро – додаде Гвардиола кој потоа му упати комплименти на Ливерпул кој на крајот заврши на второто место на табелата со само еден бод помалку од „граѓаните“.

– Големината на нашиот успех е дефиниран од големината на нашиот противник. Никогаш не сум видел тим како Ливерпул, знам дека им е тешко, но им испраќам огромни честитки. Тие ни помогнаа да бидеме подобри.

Луда завршница во Премиер лигата: Манчестер сити со три гола за пет минути ја освои титулата