Концертот на групата „Архангел“, со кој започна официјалната музичка програма на 22-рото издание на фестивалот „Таксират“, се одржа согласно протоколот за организирање на јавни настани во затворен простор.

Првиот од низата концерти во склоп на фестивалот, а и воедно првиот културен настан организиран во затворен простор, помина во најдобар ред и со максимално почитување на протоколот, јавуваат од продукцијата.

Под мотото 30 години љубов, на бината на „Таксират“ „Архангел“ настапи со целовечерен концерт, на кој беа изведени дури дваесет и седум песни, приредувајќи едно ново, необично и досега невидено искуство.

Врвните македонски музичари кои го придружуваа Вртев на сцената, направија познатите „Милион долари“, „Чудесен свет“, „Вина невина“, „Сениште“ и сите останати песни да добијат уште поголема смисла и длабочина.