Новак Ѓоковиќ откако излезе од карантинот во Аделаида изјави дека на одговара на прашања поврзани за Ник Кирјос кој го исмеа обидот на српскиот тенисер да издејствува подобри услови на тенисерите и тенисерките кои се наоѓаа во строг карантин во Мелбурн.
Сепак, австралиските медиуми не се откажаа и успеаја да извлечат коментар од Ѓоковиќ за Кирјос.
– Што се однесува до делот надвор од терените и тоа што го прави, немам премногу респект за него. Тоа нека биде се што ќе кажам. Немам повеќе коментари за Кирјос, за неговите коментари на моја сметка или за тоа што тој го прави – изјави Ѓоковиќ кој сепак вели дека австралискиот тенисер знае да го направи тенисот интересен се додека не ги поминува границите на пристојност.
– Мислам дека е добар за спортот, некои работи ги прави на автентичен начин. Секој има право да се изрази на начин каков што тој сака. Има квалитет да победи секого – додава Ѓоковиќ.