Гинекологија доби нов економски директор
Ајрула Мустафи е новиот економски директор на Клиниката за гинекологија, кој е назначен на оваа позиција откако неговиот претходник Валон Бела беше сменет бидејќи влезе во медиумска војна со економската диркеторка Викторија Јовановска.
Од директорксите позиции си заминуваат и директорката на Клиниката за детски болести Катерина Ставриќ, како и директорот на Здравствен дом Скопје, Злате Мехмедовиќ.
Ставриќ оставката ја има депонирано подолго време, но никако да се најдат замена. Во лекарските кругови се споменуваат неколку имиња на лекарки од оваа клиниката како можни наследнички на Ставриќ но потврда за тоа кој ќе биде засега нема.
Изненадување предизивка смената на Мехмедовиќ, бидејќи во јавноста постоеше мислење дека добро за извршува својата функција, особено во делот на теренското вакцинирање што беше направено поради епидемијата на морбили.
Владата треба да именува наследник и на Салија Љатифи која го води Геронтолошкиот завод во Скопје.
Од Министерството за здравство велат дека наредните денови ќе бидат именувани и останатите директори.