Според договорот, на стадионите ширум Германија ќе може да има публика највеќе до 20 проценти од капацитетот на стадионите

На стадионите низ Германија ќе се применуваат строги епидемиолошки мерки како што се мерење на температура на влезовите, одржување на дистанца и постојано носење на заштитни маски, а алкохолот ќе биде забранет.

Забрането ќе биде доаѓање на гостински навивачи, а секоја влезница ќе биде персонализирана за да може да се следи движењето на сите лица кои ќе бидат присутни на стадионите.

По објавата на надлежните институции дека ќе дозволат навивачи, неколку екипи веднаш се огласија во јавноста и објавија колкаво присустви на навивачи ќе дозволат на своите стадиони.

Борусија Дортмунд чиј стадион „Сигнал Идуна Парк“ е најголем во Германија со капацитет од 82.000 седишта ќе пушти само 10.000 сопственици на сезонски билети, додека Келн објави дека вратите од стадионот ќе бидат отворени за 9.200 фанови и тоа почнувајќи од претстојниот викенд кога на домашен терен во првото коло од Бундеслигата го пречекуваат Хофенхајм.