Селекторот Јоаким Лев денеска го објави списокот на репрезентативци на кои ќе смета за претстојниот континентален собир. Се враќаат Томас Милер и Матс Хумелс, играчот на Баерн после три години пауза повторно е во составот, како и дефанзивецот на Борусија Дортмунд.

Германија на Европското првенство се наоѓа во последната група „Ф“ заедно со репрезентациите на Франција, Португалија и Унгарија.

– Милер и Хумелс имаа добра сезона и можат многу да придонесат. Станува збор за фудбалери кои можат да бидат лидери на теренот. Знаат како размислуваат, нашата филозофија, но и останатите играчи ги почитуваат – вели Лев кој веднаш по ЕП ќе ја напушти селекторската клупа.

Потсетување дека својот последен меч најдобрите германски фудбалери го имаат минатиот месец во квалификациите за Светското првенство кога изненадувачки на домашен терен во Дуизбург беа поразени од македонската А репрезентација.

Our 26-man squad for @EURO2020 🇩🇪#DieMannschaft #EURO2020 pic.twitter.com/BmvAvUtTX0

— Germany (@DFB_Team_EN) May 19, 2021

Голмани: Бернд Лено (Арсенал), Мануел Нојер (Баерн), Кевин Трап (Ајнтрахт Франкфурт)

Одбрана: Матијас Гинтер (Борусија Менхенгладбах), Робин Госенс ​​(Аталанта), Кристијан Гинтер (Фрајбург), Марсел Халстенберг (РБ Лајпциг), Матс Хумелс (Борусија Дортмунд), Лукас Клостерман (РБ Лајпциг), Робин Кох (Лидс јунајтед), Антонио Ридигер (Челси), Никлас Зиле (Баерн).

Среден ред и напад: Емре Џа (Борусија Дортмунд), Серж Гнабри (Баерн), Леон Горецка (Баерн), Илкај Гундоган (Манчестер сити), Каи Хаверц (Челси), Јонас Хофман (Борусија Менхенгладбах), Џошуа Кимих (Баерн), Тони Крос (Реал Мадрид), Томас Милер (Баерн), Џамал Мусиала (Баерн), Флоријан Нојхаус (Борусија Менхенгладбах), Лерој Сане (Баерн), Кевин Воланд (Монако), Тимо Вернер (Челси).