Газдите на ПСЖ наредија да се започнат преговори со Зидан
Катарското кралско семејство, кои се сопственици на ПСЖ, им наредија на претседателот Насер Ал-Келаифи и спортскиот директор Леонардо, да започнат прговори со Зинедин Зидан кој треба да го наследи Маурисио Покетино на клупата.
Наводно, Зидан е заинтересиран да се врати на тренерската работа откако по крајот на сезоната си замина од Реал Мадрид и најави дека ќе направи едногодишна пауза од работата. Тој во неформален разговор со претставници на ПСЖ веќе ја претставил својата визија и лесно може да се случи сценариото од минатата зима кога Покетино го замени Томас Тухел.
Во ПСЖ сметаат дека Зидан е идеално решение за клупата, неговото доаѓање во било идеален маркетиншки потег, но и дополнителен мотив за француските фудбалери во клубот, а и за останатите ѕвезди во екипата.
Главната замерка за Покетино е тоа што не може да ја контролира соблекувалната, но и не може да најде систем на игра кој ќе им одговара на трите ѕвезди, Лионел Меси, Нејмар и Килијан Мбапе.