Српската фармацевтска компанија Галеника го произведе лекот хлорокин, кој се користи во борбата против коронавирусот и тој од вторник ќе може да се користи, дознава Телеграф.рс.

Во Галеник се произведени, како што дознава Телеграф, 372.000 таблети од овој лек, а супстанцата за нивното производство пред два дена стигна во Србија.

Хлорокин е лек кој се користи за спречување и лечење на маларија во регионите во кои е познато дека болеста е чувствителна на неговите ефекти. Исто така лекот експериментално се користи за лечење на Ковид-19 од 2020 година.

Хлорокин во 1934 година го открил германскиот научник Ханс Андерсаг. Се наоѓа на листата на есенцијални лекови на Светската здравствена организација, меѓу најсигурните и најефикасните лекови потребни во здравствениот систем.