Франција: Се утврдува вистинскиот идентитет на напаѓачот кој повреди две лица во Париз
Истражните органи одговорни за истрагата за нападот со месарски нож во петокот, 25 септември во Париз пред поранешните простории на „Шарли Ебдо” си поставуваат прашања за вистинскиот идентитет на главниот осомничен, кој досега се претставувал како 18-годишен Пакистанец, јави дописникот на МИА.
Вештачењето на мобилниот телефон на лицето кое себеси се нарекува Хасан А., им овозможи на истражните органи да откријат фотографија од документ за лична карта, според кој, напаѓачот всушност се вика Захер Хасан Мехмуд и дека има 25 години, објавија повеќе француски медиуми, од кои и „Ле Монд”.Токму под овој идентитет ова лице се претстави во видео со која ја презеде одговорноста, снимено пред нападот и потврдено како автентично од истражните органи.
Во овој двоминутен документ, кој кружеше за време на викендот на социјалните мрежи, напаѓачот кој се претставува како Захер Хасан Мехмуд ја презема одговорноста за нападот што ќе го изврши, без да изрази верност кон некоја организација и го објаснува тоа „со карикатурите на пророкот Мухамед “.
Exposing the TRUTH of Terrorism, is new definition of Islamophobia.
In #UNGA, #ImranKhan is tryng to cover up PakistaniTerrorism by spreading fake narrative of ISLAMOPHOBIA.
While in Paris,Jihadi of Pakistan origin stabbed Journalists near #CharlieHebdo office.
Lie Exposed !! pic.twitter.com/Z78t05ayWW
— Sanatan Women (@SanatanWomen) September 26, 2020
„Денеска, петок на 25 септември, ќе ги осудам, додава тој, тврдејќи дека го има како „водич” Мула Илјас Кадри, водач на Дават-е-Ислами, аполитичка и ненасилна религиозна група Инспириран од суфите, со седиште во Пакистан.
Притворот за напаѓачот, кој го призна неговото дело и призна дека сакал да го нападне Шарли Ебдо, не знаејќи дека редакцијата се преселила на тајно место по нападите во 2015 година, во неделата беше продолжено за 48 часа. Во моментот уште пет други лица се притворени: тројца поранешни цимери на главниот осомничен од неговиот стан во Пантин, неговиот мал брат и негов познаник.