ФОТОГАЛЕРИЈА: Граѓаните им оддаваат почит на жртвите од терористичкиот напад во Москва
Бројот на загинати во терористичкиот напад во Москва се зголеми на 93, јавија руските медиуми. Во меѓувреме, приведени се четворица директни учесници во нападот, соопшти прес-службата на Кремљ.
Бројот на повредени во терористичкиот напад во концертната сала „Крокус“ во Москва се зголеми на 145, соопшти Министерството за здравство на Московската област.
Територијата околу концертната сала сè уште е опколена, јавија денеска руските медиуми.
Областа во која се наоѓа концертната сала е оградена од полиција, а во близина на зградата се стационирани неколку противпожарни возила. Внатре работат спасувачи и истражители.
Нападот се случи кога неидентификувани маскирани лица синоќа отворија оган во концертна сала „Крокус“ во Красногорск, административен центар на московската област.
Терористичката група Исламска држава (ИСИС) ја презеде одговорноста за нападот во Русија, се вели во кратката изјава објавена од новинската агенција Амак, поврзана со ИСИС, на Телеграм.