ФОТО | Фотографија од жолто поле и сино небо во Вуковар стана симбол на поддршка за Украина
Британската пејачка Викторија Бекам испрати порака со поддршка до сите жени и деца во Украина, а покрај неа ја објави и фотографијата на хрватскиот фотограф Дарко Кешњер, направена во близина на Вуковар.
„Сакам да го искористам денешниот ден за да ги поддржам жените и децата на кои им е најпотребна нашата поддршка, на оние кои се погодени од разорната војна во Украина“, напиша Бекам на Инстаграм.
View this post on Instagram
Оваа фотографија, на која е прикажано жолто поле со сино небо, стана вистински хит на социјалните мрежи каде масовно се споделува како симбол на поддршка за украинскиот народ.
„Фотографијата ја направив минатата година, во околината на Вуковар. Јас сум професионален фотограф и никаде не одам без својата опрема, па често застанувам кога ќе видам убави кадри и ги фотографирам. Токму така ми го привлече вниманието и ова поле со маслодајна репа. Кога почна војната во Украина и кога ги видов сите тие луѓе со знамиња како гордо пружаат отпор, веднаш се сетив на тоа поле и на синото небо, па го објавив на мојот Инстаграм профил“, изјавил фотографот Кешњер за хрватски „Индекс“.
View this post on Instagram