Филипче: Заразените со коронавирус ќе се лекуваат и во болницата „8-ми Септември“ (ВИДЕО)
Направивме план и за ставање на овие пациенти со коронавирус во Болницата „8-ми Септември“, го утврдиме текот на движење на пацинетите при прием.
Министерот за здравство Венко Филипче на денешната прес-конференција информираше за новозаболените шест пациенти со коронавирусот, како и за здравствената состојбата на пациентите кои се лекуваат на Инфективната Клиника.
Дијагностицирани се 6 нови пациенти заразени со новиот коронавирус, а со тоа бројката на заболени се искачи на 48, рече Филипче.
– Во Штип го имаме првиот случај на заразен со коронавирусот. Се работи за едно девојче од Штип на 4-годишна возраст, кое се инфицирало во градинка во Англија. Семејството се вратило во земјата на 14 март и било во домашна изолација. На тестирање се јавиле вчера, два дена откако девојчето ги почуствувало првите симптоми. На Инфективна девојчето е сместено со мајката, ќе се земат дополнителни брисови од лицата кои биле во контакт со ова семејство, земени се брисеви на родителите и бабата на девојчето- рече Филипче.
Во Дебар се регистрирани 3 нови случаи на коронавирус, рече Филипче, тестовите се направени во рамките на скринингот.
– Во Скопје е регистриран еден случај, контакт на претходно дијагностицираните.Уште еден случај е потврден се работи за жена вратена од Швајцарија која била во домашна изолација. На тестирање се јавила сама, а на епидемиолошката анкета навела дека имала контакт со заболен во Швајцарија, сите членови се контактирани- рече Филипче.
– Во моментов се тестираат 35 лица, за кои Министерството за здравство ќе извести веднаш по добивање на резултатите. Сите пациенти се стабилни, како на Инфективна така и во Дебар, пациентката која е на машина нема влошување на состојбата. Денеска е направена домашна визита, кај сите кои се во самоизолација, како и за текто на лекувањето- рече Филипче.
Направивме план и за ставање на овие пациенти со коронавирус во Болницата „8-ми Септември“, го утврдиме текот на движење на пациентите при прием.
– Со ова ги обезбедуваме пациентите, таму има 22 кревети и 22 машини за дишење, за да не шетаат по други болници- рече Филипче.
Веќе се работи планот на посебни пунктови во рамките на здравствениот дом во Скопје, за што ќе известам следните денови.