ФИФА претера, сака Мундијалите да се играат на секои две години
На денешниот 71. конгрес на ФИФА главна вест е усвојувањето на предлогот на Фудбалската федерација на Саудиска Арабија да се разгледа можност светските првенства наместо на секои четири, да се играат на секое две години. Овој предлот доби поддршка од 166 гласа, наспротив 22 кои беа против оваа одеја.
– Ова е пресуден момент за иднината на фудбалот. Проблемите со кои фудбалот со соочува се сè поголеми, а пандемијата на коронавирусот сами ја влоши ситуацијата. Време е да ги разгледаме најдобрите можности за иднината на фудбалот – изјави Јасер ал Мисехал, претседател на фудбалската федерација на Саудиска Арабија.
Главна причина за усвојување на овој предлот е желбата на ФИФА за заработка. ФИФА од секое светско првенство заработува околу четири милијарди само од ТВ правата, па не чуди тоа што предлогот на Саудиска Арабија беше усвоен со големо мнозинство гласови.
Згора на тоа, претседателот на ФИФА, Џани Инфантино ја повтори својата намера за одрќување на светско клупско првенство со 24 екипи која само дополнително ќе оди на штета на фудбалерите кои така би имале се помалку време за одмор.